Astanada aýmaǵyndaǵy qardy tazalamaǵan meıramhanaǵa aıyppul salyndy
ASTANA. QazAqparat - Astana qalasynyń Jergilikti polıtsııa qyzmetiniń tabıǵat qorǵaý polıtsııasy Almaty, Saryarqa jáne Esil aýdandyq bólimsheleriniń ınspektorlary aýdan ákimdikteriniń ókilderimen birlesip shaǵyn jáne orta bıznes nysandarynyń birinshi qabattaryna jaqyn jatqan aýmaqtardy, qurylys alańdaryn, PIK, PK jáne jeke sektordy qar men muzdy ýaqytynda jınalýyn tekserý boıynsha kúndelikti reıd sharalaryn ótkizýde.
Qala ákimdigi saıtynyń habarlaýynsha, reıd nátıjesinde «Saryarqa» aýdany ІІB JPQ tabıǵat qorǵaý polıtsııasynyń qyzmetkerleri Jeńis dańǵylynda ornalasqan dámhananyń ıesin ǵımarat mańyndaǵy aýmaqty qatqan muzdan der kezinde tazalamaǵany úshin QR ÁQBK 505 b. 1 b. boıynsha ákimshilik jaýapkershilikke tartty. Kásipkerge 30 AEK mólsherinde (63 630 teńge) aıyppul salyndy.
Sondaı-aq, «Almaty» ІІB JPQ polıtsııa qyzmetkerleri Momyshuly dańǵylyndaǵy «Turan» meıramhanasyna tıesili aýmaqtan úıilgen qardy ýaqytynda tazalap, shyǵarmaǵany úshin jeke kásipker jaýapkershilikke tartyldy. Oǵan 63 630 teńge mólsherinde aıyppul salyndy.
Tabıǵat qorǵaý polıtsııasynyń qyzmetkerleri tıesili aýmaqty qoqystan, qar men muzdan tazalaý boıynsha jumysty ýaqytyly júrgizbeý jáne sapasyz oryndaý, jumystardy uıymdastyrmaý faktileri anyqtalsa, zań buzýshylar QR ÁQBK 505 baby «Abattandyrý erejelerin buzý» boıynsha ákimshilik jaýapkershilikke tartylatynyn eskertedi.
