Astanada aýmaǵyn qar men muzdan tazartpaǵan nysandar ıelerine aıypppul salynýda
ASTANA. QazAqparat - Astana qalasynyń ІІD-niń tabıǵatty qorǵaý bólimderi shaǵyn jáne orta bıznes nysandarynyń, qalalyq bazarlardyń ýaqytyly qar men muzdy tazalaý jáne úı mańaıyndaǵy sanıtarlyq jaǵdaılardy tekserý boıynsha reıdtik is-sharalar júrgizýde, dep habarlaıdy departamenttiń baspasóz qyzmetinen.
Astana qalasy ІІD ÁPB bastyǵynyń orynbasary Igor Gorbýnovtyń málimetinshe, polıtsııa qyzmetkerleri ǵımarattardyń kireberis mańaılarynda, nashar sypyrylǵan kvartal aralyq joldarda, jaıaý júrginshi joldary men azamattar kóp júretin nysandardyń kireberisterinde (dámhana, meıramhana, dúkender, bazarlar men taǵy basqalary) qar men muzdy ýaqytynda tazalamaǵandarǵa jáne quqyq buzýshylarǵa qatysty ákimshilik taraptaǵy sharalardy qoldanýda.
Bekitilgen ýchaskelerde tazartý jumystarynyń júrgizilýin tekserý barysynda ákimshilik jaýapkershilikke 11 PIK jáne 5 bólim uıymdarynyń 5 jetekshisi tartylyp, olarǵa 750,5 myń teńge aıyppul salyndy. Odan basqa, shaǵyn jáne orta bıznes nysandaryna qatysty ákimshilik jaýapkershilik sharalary qoldanýda. Al turǵyn úılerde tynyshtyq buzǵany úshin 300-den astam azamatqa aıyppul salyndy.
«Eki kúnniń ishinde aldyn alý is-sharalarynyń nátıjesinde bekitilgen aýmaqty ýaqytyly tazalamaǵany úshin QR ÁQBtK 505 babynyń 1 b. boıynsha 11 dámhana men meıramhana ıeleri ákimshilik jaýapkershilikke tartylyp, olarǵa qatysty jalpy somasy 376 580 teńgeni quraıtyn aıyppul salyndy. Elordalyq dámhana men meıramhana jetekshilerine bekitilgen aýmaqtarda turǵyn úı erejelerin saqtap, ýaqytyly qar men muz qaldyqtaryn shyǵaryp otyrý jóninde 120 úkimhat berildi», - dep habarlady ІІD ÁPB bastyǵynyń orynbasary.
Atalmysh baǵyttaǵy jumystar jalǵasýda.
