Astanada aýlalar arasynda buqaralyq sport túrlerinen týrnır uıymdastyryldy
ASTANA. QazAqparat - Elordada shaǵyn fýtbol men basketboldan «Saryarqa» aýdany aýlalarynyń jasóspirimderi arasynda týrnır ótýde. Atalmysh týrnır «Saryarqa» aýdanynyń ákimdigi, Astana qalasy ІІD Esirtki bıznesine qarsy kúres basqarmasy jáne qalalyq Týrızm, sport jáne dene tárbıesi, Densaýlyq saqtaý basqarmalarymen uıymdastyryldy, dep habarlady astana.gov.kz.
Týrnırdiń ashylýy Sh. Aımanov kóshesindegi sport alańdarynyń birinde ótti. Ashylý rásimine 800-den astam qala turǵyny qatysty. Týrnırge qatysýǵa 70 qurama nıet bildirgen. Alǵashqy kúni basketboldan 13, shaǵyn fýtboldan 5 qurama ózara sheberlik baıqasady.
Týrnır jeńimpazdary Astana qalasy ІІD Esirtki bıznesine qarsy kúres basqarmasy atynan syılyqtarǵa ıe boldy. Shara maýsymnyń 26 deıin jalǵasady.
