Astanada aýqymdy bos oryndar jármeńkesinde eki myń jumys orny usynyldy

ASTANA. KAZINFORM — Elordadaǵy «Abu Dhabi Plaza» saýda-oıyn-saýyq ortalyǵynda Esil aýdany ákimdigi men Eńbek mobıldiligi ortalyǵynyń uıymdastyrýymen Jumysshy mamandyqtary jyly aıasynda aýqymdy bos oryndar jármeńkesi ótti.

Іs-sharaǵa túrli saladaǵy 50 kompanııa men uıym qatysyp, shamamen 2000 bos jumys ornyn usyndy. Jármeńke kóptegen jumys izdeýshilerge áleýetti jumys berýshilermen tikeleı tildesip, qyzyqtyrǵan suraqtaryn qoıýǵa jáne alǵashqy áńgimelesýden ótýge múmkindik berdi.

Mundaı kezdesýler jumyspen qamtý deńgeıin arttyrýǵa, sondaı-aq aýdan kóleminde jańa jumysqa ornalasý múmkindikterin ashýǵa yqpal etedi. 

Aıta ketelik shildede jumys berýshiler Enbek.kz saıtynda 104 myńnan asa bos jumys ornyn jarııalady.