Astanada aýyr qylmys jasaǵan krımınalıtet ókilderi ustaldy — ІІM

ASTANA. KAZINFORM – Elordalyq polıtsııa departamentiniń uıymdasqan qylmysqa qarsy kúres basqarmasy qylmystyq topty ustady, dep habarlaıdy Polisia.kz

Onyń quramynda birneshe ret sottalǵan krımınalıtet ókilderi bar. Olar birqatar aýyr qylmys jasady dep kúdikke ilindi.

— Epızodtardyń birinde qorqytý jáne zorlyq-zombylyq qoldaný arqyly jergilikti turǵynnan 5 mln teńge somasynda qarajat jáne Toýota markaly jol talǵamaıtyn kólikti ıemdengen. Basqa jaǵdaıda bankterdiń biriniń irgeles aýmaǵynda olar 6 mln teńgeni ashyq túrde tonap ketken. Qylmystyq toptyń barlyq qatysýshylary qamaýǵa alyndy. Olardyń basqa da osyǵan uqsas qylmystyq quqyq buzýshylyqtarǵa qatystylyǵyn tekserý júzege asyrylýda. Sotqa deıingi tergep-tekserý aldyn ala sóz baılasý arqyly adamdar toby jasaǵan bopsalaý jáne tonaý faktileri boıynsha júrgizilýde, — dedi ІІM uıymdasqan qylmysqa qarsy kúres departamentiniń ókili Qýandyq Alpys.

Osyǵan deıin habarlanǵandaı, Almatyda kásipkerlerge qysym kórsetken krımınalıtet ókilderi ustaldy.