Astanada aýyr atletıkadan jastar arasynda Azııa chempıonaty ótedi
ASTANA. KAZINFORM - Qurlyqtyq doda Astanada 4-10 shilde aralyǵynda jastar men jasóspirimder arasynda bolady.
Qurlyqtyq dodaǵa 27 memleketten 450-den astam aýyr atlet qatysady josparlanyp otyr.
Al Qazaqstan quramasy jarysty uıymdastyrýshy el retinde tolyq qurammen júlde úshin baq synaıdy. El quramasy sapynda 30 aýyr atlet bar.
El quramasynyń aǵa jattyqtyrýshysy Albert Hakımýlınniń aıtýynsha, Azııa chempıonatyna daıyndyq jumystary joǵary deńgeıde júrgizilýde. Sondaı-aq, oqý-jattyǵý jıyndary Almaty oblysynda ótti. Jalpy naýryz aıynan beri 6 daıyndyq jumysy júrgizildi. Sportshylar kún saıyn úlken yntamen jattyǵyp, bar kúsh-jigerin salyp daıyndalyp jatyr. Aýyr atletter jarysqa tolyqtaı daıyn deýge tolyq negiz bar.
Qurama sapy 50 paıyzǵa ózgergen. Azııa chempıonaty olar úshin alǵashqy halyqaralyq jarys bolmaq.
Aıta ketsek, jarys Qazaqstan jeńil atletıkalyq sport kesheninde ótedi.