Astanada aýyr atletıkadan el chempıonaty bastaldy
ASTANA. KAZINFORM — Astana qalasynda aýyr atletıkadan el chempıonaty ótip jatyr. «Alataý» sport saraıynda birinshiliktiń saltanatty ashylý rásimi ótti, dep habarlady elorda ákimdiginiń resmı saıty.
1-7 jeltoqsan aralyǵyndaǵy baıraqty básekege elimizdiń 17 óńirinen kil myqty 177 sportshy jınaldy. Olardyń qatarynda álem chempıondary — Nurǵısa Ádiletuly men Artem Antropov ta bar.
— 2022 jyldan keıin Astana qalasy aýyr atletıkadan qaıtadan eresekter arasyndaǵy Qazaqstan chempıonatyn uıymdastyryp jatyr. Sportshylardyń quramy da óte myqty. Aldaǵy kúnderi aýyr atletterimiz elorda tórinde rekord jańartady dep senemin. Shyn myqtylar jeńiske jetip, 2026 jyly sportshylarymyz Japonııada ótetin jazǵy Azııa oıyndarynda el namysyn abyroımen qorǵaıdy dep oılaımyn, — dedi Astana qalasy Dene shynyqtyrý jáne sport basqarmasy basshysynyń orynbasary Azamat Aǵzamov.
Búgingi básekelerde erler arasynda 65 keli jáne áıelder arasynda 58 keli salmaq dárejesinde jeńimpazdar anyqtalady.
Aıta keteıik, Qazaqstan chempıonatynda jekeleı jattyǵýlar boıynsha 54 júlde jıyntyǵy sarapqa salynady.
Budan buryn gandboldan Qazaqstan áıelder quramasy álem chempıonaty toptyq kezeńin aıaqtaǵanyn jazǵanbyz.