Astanada aýyl sharýashylyǵy jármeńkesi ótip jatyr

ASTANA. KAZINFORM – 29 maýsymnan bastap Astanada Beıbarys Sultan kóshesiniń boıynda kún saıyn aýyl sharýashylyǵy jármeńkesi jumys isteıdi, dep habarlaıdy elorda ákimdiginiń resmı saıty.

«Rıo-de-Janeıro» TK (Beıbarys Sultan kóshesi, 23) qarama-qarsy ornalasqan jańa jármeńke kún saıyn saǵat 9:00-den 20:00-ge deıin jumys isteıdi.

Jármeńkege kelýshiler jergilikti turǵyndardan, sondaı-aq Túrkistan, Jambyl jáne Aqmola oblystarynan kelgen taýar óndirýshilerden kókónister men jemister, sapaly et, un ónimderin jáne basqa da kóptegen aýyl sharýashylyǵy ónimin satyp ala alady.

Turǵyndarǵa yńǵaıly bolý úshin jármeńkeniń janynda №49, 73 avtobýs marshrýttary ótedi, bul onyń ótetin ornyna yńǵaıly bolýyn qamtamasyz etedi.

Aıta ketý kerek, elordada demalys kúnderi de arnaıy jármeńke jumys isteıdi. Ol Saryarqa aýdanynda B. Soqpaqpaev kóshesi, 21 mekenjaıynda ornalasqan.

Bul jármeńke ár demalys kúnderi saǵat 10:00-den 19:00-ge deıin jumys isteıdi.