Astanada Aýǵan soǵysynda qaza tapqan ınternatsıonalıst-jaýyngerlerge arnalǵan estelik taqta ornatyldy
ASTANA. Qańtardyń 22-si. QazAqparat /Jasulan Amanbaıuly/ - Búgin Astanada Aýǵan soǵysynda qaza tapqan ınternatsıonalıst-jaýyngerler Aleksandr Korobeınıkov pen Rýdolf Moos atyna ózderi túlep ushqan №1 mektep-lıtseıinde estelik taqta ornatyldy,
dep habarlaıdy QazAqparat.
Sharaǵa Astana ákiminiń orynbasary Ámirhan Raqymjanov, Aýǵan soǵysy ardagerleri men «Nur Otan»HDP ókilderi qatysty.
Astana mektepterinde 2010 jyly Aýǵan soǵysynda beıbitshilik úshin ómirlerin qıǵan jaýyngerlerge arnap osyndaı 7 taqta ornatylatyn bolady.
2009 jyly Aýǵan jerinen keńes áskeriniń shyǵarylǵanyna 20 jyl toldy. Ol soǵysqa 22 myńnan astam otandasymyz qatysyp, onyń 926-sy qaıtys bolyp, 21-i habarsyz ketken. Soǵys qurbandaryn eske alyp, tirisin qoldaý paryz.
Aýǵanstan jerinde Aleksandr Korobeınıkov 1981 jyly, al Rýdolf Moos 1980 jyly oqqa ushqan bolatyn. Qaza tapqannan keıin olarǵa «Qyzyl juldyz» ordeni berildi.
