Astanada Áýezov kóshesiniń Abaı men Yqylas kósheleri aralyǵyndaǵy bóligi jaqynda paıdalanýǵa beriledi
ASTANA. QazAqparat - 30 tamyzǵa deıin Áýezov kóshesiniń Abaı dańǵyly men Yqylas Dúkenuly kóshesi arasyndaǵy bóligi paıdalanýǵa beriledi. Bul týraly Astana qalasy ákimi apparatynyń baspasóz qyzmetine Jolaýshylar kóligi jáne avtomobıl joldary basqarmasynan habarlady.
Astanada qazirgi ýaqytta Áýezov kóshesinde jol astyndaǵy ınjenerlik jelilerdiń ábden tozyǵy jetkendigi sebepti qaıta qurý jumystary júrgizilýde.
Kósheniń asfalt jabyndysy ınjenerlik jelilerdiń eskirýi sebepti jıi bolatyn apatty jaǵdaılardyń saldarynan birneshe ret kúrelip, qazyldy. Sonyń saldarynan jol sapasy nasharlady. Osyǵan baılanysty, bıylǵy jyly avtojoldy ǵana emes onyń astynda jatqan kommýnıkatsııalardy keshendi aýystyrý arqyly kúrdeli jóndeýden ótkizý týraly sheshim qabyldanǵan bolatyn. Bul nysandardyń kóbi 70 jyldardyń ortasynda salynyp, osyǵan deıin kúrdeli jóndeý kórmegen.
2015 jyly atalǵan jobany júzege asyrý jalǵasytyrylady.
