Astanada Áýezov kóshesindegi jóndeý jumystary qyrkúıek aıynyń ortasynda aıaqtalady
ASTANA. QazAqparat - Astanada Astanada Áýezov kóshesindegi jóndeý jumystary qyrkúıek aıynyń ortasynda aıaqtalady, dep habarlaıdy elorda ákimdiginiń resmı saıtynda.
«Jumystardyń bári qurylys normalary men erejelerine sáıkes júrgizilýde jáne ony 15 qyrkúıekke deıin aıaqtaý kózdelgen»,- delingen habarlamada. Qaladaǵy Áýezov kóshesiniń Abaı dańǵylynan Dúkenuly kóshesine deıingi bóliginde jóndeý jumystary jalǵasyp jatyr. Jolaýshylar kóligi jáne avtomobıl joldary basqarmasy budan buryn habarlaǵandaı, jol tamyz aıynyń sońyna deıin ashylýy tıis bolatyn. Biraq elordada jol-qurylys jumystarynyń sapasyn tekserýmen aınalysatyn «Bıýro Verıtas» halyqaralyq kompanııasy qosymsha jumystardyń qajet ekendigin atap ótti. Atap aıtqanda, jylý trassasyn tóseý, qazirgi jylý trassasy men sý qubyrlarynyń ınjenerlik jelilerin aýystyrý jáne kúsheıtý jumystary júrgiziledi. Tekserý barysynda joldyń júretin bóliginen jaramsyz topyraq anyqtaldy. Ony aýystyrý úshin jóndeý jumystarynyń kestesi uzartyldy.
