Astanada áýejaı men vokzaldaǵy avtoturaq aıazdy kúnderde tegin bolady
ASTANA. QazAqparat - Astanada qolaısyz aýa raıy jaǵdaıyna baılanysty, atap aıtqanda qatty aıaz kúnderi temirjol vokzaly men halyqaralyq áýejaıdyń daladaǵy turaqtary tegin bolady, dep habarlaıdy «QazAqparat» HAA «Astana LRT» JShS-nyń Feısbýktegi paraqshasyna silteme jasap.
«Aýa temperatýrasynyń kúrt tómendeýine baılanysty ashyq turaqtardaǵy shlagbaýmdar «uıqy rejıminde» bolady. -40 gradýs jaǵdaıynda shlagbaýmdar isten shyǵyp, keptelisterdi týyndatýy múmkin», - delingen habarlamada.
Ýaqyt únemdeý maqsatynda shlagbaýmdar ashyq turady, daladaǵy aqyly kólik turaǵyna kirý tegin bolady.
Al halyqaralyq áýejaıdaǵy jabyq turaqtyń tarıfteri burynǵysynsha qala bermek.
Kúndiz 12 saǵatqa deıin - 1 400 teńge.
12-den 24 saǵatqa deıin - 2 000 teńge.
Kelesi táýlikterde - 1 800 teńge.
