Astanada áýe taksıiniń kómegimen foto, beınetúsirilim jasaýǵa bolady
ALMATY. QazAqparat - Qazaqstanda ótken jyldyń qyrkúıeginde paıda bolǵan «Áýe taksıinde» foto, beınetúsirilim jasaýǵa bolady. Bul týraly Astana Business Aviation kompanııasynyń basshysy Qaısar Shynybaev aıtty.
Áýe taksıi ashylǵaly beri 10 reıs jasaldy. Jolaýshylar kóbine Astanadan Býrabaı, Qaraǵandy, Kókshetaý, Qostanaı qalalary baǵytynda ushyp barǵan.
Tikushaqtar 600 shaqyrymǵa deıin qashyqtyqta qyzmet etedi.
Qazir avıaparkte Qazaqstanda quralǵan 16 evrokopter, 7 reseılik MI-8, Robinson markali amerıkan tikushaǵy bar.
«Áýe taksıine 24 saǵat buryn tapsyrys berý kerek. Shuǵyl ushýlar da tirkeledi. Ushýdyń bir saǵaty 300 myńnan 800 myń teńgege deıingi aralyqta. Ushý bıiktiginiń tómendigi men jyldamdyqtyń azdyǵyna baılanysty tikushaqta otyryp peızajdy foto, beınetúsirilmge túsirýge bolady», - dedi ol.
Qazir kompanııada jumys jasap otyrǵan ushqyshtardyń barlyǵy Qazaqstan azamattary.
Astana Business Aviation kompanııasynyń basshysy Qaısar Shynybaevtyń aıtýynsha, jaqyn arada áýe taksıiniń júrgizýshilerin úıretetin oqytý ortalyǵyn ashý josparlanyp otyr.
