Astanada aýany lastaıtyn negizinen avtokólikter - basqarma
Elordada qorshaǵan ortany lastaý boıynsha kólikter kósh bastap tur, dep habarlaıdy Kazinform.
«Aýany lastaý boıynsha negizgi kórsetkish avtokólikterge tıesili. Degenmen ótken jyly gazǵa aýysqan kezde shyǵaryndy aıtarlyqtaı azaıdy. Elordada sońǵy 5 jylda avtomobıl sany 20,2 paıyzǵa artty. Sońǵy 3 jylda avtomobılden shyǵatyn atmosferany lastaýshy shyǵaryndy kólemi ózgerissiz qalyp otyr. Bıyl alty aıda 27 myń tonna aýany lastaý jaǵdaıy tirkeldi. Avtokólikterdiń aýany lastaýyna sebep – kólikterdiń kóbeıýi, kóshelerdegi jıi jáne úzdiksiz keptelister», - dedi Astana qalasynyń qorshaǵan ortany qorǵaý jáne tabıǵat paıdalaný basqarmasy basshysynyń mindetin atqarýshy Erlan Berdalın qalalyq máslıhat otyrysynda.
Onyń aıtýynsha, Astanada aýa lastanýynyń joǵary kórsetkishi jylytý maýsymynda jıi tirkeledi.
