Astanada aýa raıynyń jylynýy kútilýde
ASTANA. 8 qańtar. QazAqparat - Osy aptanyń ortasynda elordada kún raıy jylynýy yqtımal.
Taıaýdaǵy úsh kúnde ońtústik jáne ońtústik-shyǵystan baıaý jel esip, aýa temperatýrasy kúndiz 10 gradýstan tómen bolady dep boljam jasaıdy sınoptıkter.
Astananyń resmı saıtynyń jazýynsha, erteń elordada aýa raıy jaýyn-shashynsyz, qubylmaly bolady. Ońtústik-shyǵystan 9-14 m/s ekpinmen jel turady. Aýa temperatýrasy túnde -13-15 °C, kúndiz -7-9°C bolady.
10 qańtar kúni qalada jaýyn-shashynsyz, kún bulttanyp, ońtústik-shyǵystan 9-14 m/s jyldamdyqpen jel soǵady. Keı jerlerde jeldiń ekpini kúsheıip, 18 m/s jetedi. Termometr baǵany túnde -15-17°C, kúndiz -6-8°C salqyndyqty kórsetedi.
11 qańtarda kún bulttanyp, keı jerlerde qar jaýýy yqtımal. Jeldiń baǵyty ózgerip , 9-14 m/s, keı jerlerde 18 m/s jetedi. Aýa temperatýrasy túnde - 10-12 gradýs, kúndiz - 3-5° gradýs sýyq bolady.
