Astanada aýa raıyna baılanysty jumys kúnin qysqartý usynyldy
ASTANA. QazAqparat - Astana qalalyq tótenshe jaǵdaılar departamenti kásiporyndar men mekemelerdi jumys kúnin qysqartýǵa shaqyrdy, dep habarlaıdy QazAqparat vedomstvonyń baspasóz qyzmetine silteme jasap.
«Aýa raıynyń buzylýy jáne aýa temperatýrasynyń kúrt tómendeýine baılanysty Astana qalalyq tótenshe jaǵdaılar departamenti memlekettik organdarǵa, bilim mekemelerine, kásiporyn (bazarlar, SOO), qurylys obektilerine jumys kúnin qysqartýdy usynady. Bul aqparat qalanyń tirshilikpen qamtamasyz etý uıymdary, atap aıtqanda órt sóndirý qyzmeti, polıtsııa, tótenshe jaǵdaılar departamenti, jedel járdem qyzmeti, kommýnaldyq qyzmetterine qatysty emes» delingen habarlamada.
«Qazgıdromet» RMM málimetinshe, 25 jeltoqsan kúni aýa temperatýrasy -30 gradýsqa deıin tómendeıdi, degenmen sezilýi -38 gradýs. Jel ekpini - sekýndyna 2 metr.
Tótenshe jaǵdaılar departamenti oqys oqıǵa oryn alsa, «112» nómirine qońyraý shalý kerektigin eske salady.
