Astanada aýa raıyna baılanysty respýblıkalyq trassa jabyldy
ASTANA. QazAqparat – Kún raıynyń buzylýyna baılanysty Astana qalasynyń aýmaǵymen ótetin respýblıkalyq mańyzy bar trassada qozǵalys toqtatyldy, dep habarlaıdy QazAqparat.
«3 qańtar saǵat 08.00-den bastap aýa raıynyń nasharlaýynan (jeldiń kúsheıýi, boran, joldyń durys kórinbeýi) respýblıkalyq mańyzy bar «Ekaterınbýrg - Almaty» avtojolynyń (1003 – 1247 km aralyǵy) «Astana qalasy – Atbasar qalasy» ýchaskesi kóliktiń barlyq túrleri úshin jabyldy», - delingen 109 IKomek qyzmetiniń habarlamasynda.
Sınoptıkter 3 qańtar kúni 13 óńirde aýa raıy buzylatyny jóninde eskertý jarııalady.
