Astanada aýa raıyna baılanysty eskertý jarııalandy
NUR-SULTAN. QazAqparat - Aýa raıynyń buzylýyna baılanysty elordada eskertý jarııalandy, dep habarlaıdy QazAqparat.
Nur-Sultan qalasynyń tótenshe jaǵdaılar departamenti «Qazgıdromet» RMK derekterine súıene otyryp, 27 qazan - kúndiz, 28 qazan - táýlik boıy ońtústik-batystan jáne batystan jel soǵatynyn habarlaıdy. Jel ekpini 15-20 m/jetedi.
Osyǵan baılanysty TJD aýa raıynyń qolaısyzdyǵy kezinde saqtyq sharalaryn saqtaýǵa shaqyrady.
Qatty jel bolǵanda:
- múmkindiginshe aýa raıynyń qolaısyzdyǵyn kúrdeli qurylys obektilerinde kútińiz;
- kóshede baǵandardan, aǵashtardan, jarnamalardan, symdardan alys júrýge tyrysyńyz;
- jeke avtokóligińizdi aǵashtar men eski qurylystardan alys qoıyńyz;
- páter men úılerde barlyq terezelerdi nyq jabyńyzdar;
- qurylys obektilerine qolaısyz aýa raıy jaǵdaıy áserinen aýmaqtardy jáne turǵyndardy qorǵaý, qurylys alańdarynda múmkindiginshe qurylys-montaj jumystaryna shekteý boıynsha qosymsha sharalardy qabyldaý qajet.
Tótenshe jaǵdaı týyndaǵan jaǵdaıda «112» nómirine qońyraý shalyńyz.