Astanada aýa raıyna baılanysty aımaqtyq baǵdarlarǵa shekteý qoıylýy múmkin
ASTANA. QazAqparat - Astanada aýa raıynyń nasharlaýyna baılanysty aımaqtyq baǵdarlardyń qozǵalysyna shekteý qoıylýy múmkin. Bul týraly Astana LRT kompanııasy eskertedi, dep habarlaıdy QazAqparat.
«Aýa-raıynyń nasharlaýyna baılanysty úsip qalmaý úshin sizderden barynsha abaıy bolýlaryńyzdy jáne saparyńyzdy aldyn ala oılastyryp, múmkindiginshe keshikpeı qalýlaryńyzdy suraımyz. Mektep oqýshylarynyń ata-analaryn balalaryńyzdyń oqý oryndarynan úılerine ýaqytynda oralýyna muqııat bolýlaryńyzdy, al qajet bolǵan jaǵdaıda olarmen birge erip júrýlerińizdi suraımyz», - dep habarlanady Astana LRT kompanııasynyń feısbýk paraqshasynda.
Qaladaǵy jolaýshylar kóligi qyzmetine jaýapty kompanııa aýa raıynyń nasharlaýyna baılanysty aımaqtyq baǵdarlardyń qozǵalysyna shekteý qoıylýy múmkin ekenin eskertedi.
«Baǵdarlardyń júrý kestesindegi ózgerister týraly habarlamalardy Astana LRT resmı saıtynda jáne áleýmettik jelilerdegi resmı akkaýnttarynda jarııalanady. Facebook, Instagram, sondaı-aq www.alrt.kz saıtynda jańartýlardy oqyńyzdar», - delingen habarlamada.
Eske sala ketsek, QR Іshki ister mınıstrliginiń tótenshe jaǵdaılar komıteti búgin salqyn tsıklonnyń jaqyndap qalǵany jaıynda eskertken bolatyn. QR Іshki ister vıtse-mınıstri ıÝrıı Ilınniń aıtýynsha, búgin mınıstrlikke qarasty Tótenshe jaǵdaılar komıtetine qatty aıazǵa qatysty shuǵyl aqparat tústi. Osyǵan baılanysty Qazgıdromet buqaralyq aqparat quraldary arqyly tıisti xabarlamany taratty.
«Biz taǵy da eskertemiz, salqyn tsıklon jaqyndap keledi. Sonyń saldarynan aıaz kúrt kúsheıip ketedi. Boran bolady. Sondyqtan oblystyq jáne respýblıkalyq joldarmen júretin júk kólikteri men avtobýstardyń qozǵalysy shekteletin bolady», - dedi ıÝ.Ilın Astanada ótken baspasóz máslıxatynda.
