Astanada aýa raıynyń qolaısyzdyǵyna baılanysty dron-shoý ótpeıdi

ASTANA. KAZINFORM – 19 jeltoqsan kúni Astananyń alty aýdanynda jańa jyldyq shyrshalardy jaǵý sharasy ótedi. Bul týraly Astana qalasy ákimdigi habarlady.

Osyǵan deıin merekelik baǵdarlama aıasynda dron-shoý uıymdastyrý josparlanǵan edi, alaıda aýa raıynyń qolaısyzdyǵyna jáne mamandardyń usynymyna baılanysty ol keıinge qaldyryldy.

«Qazgıdromet» RMK málimetinshe, Astanada qar jaýyp, burqasyn bolýy, jeldiń ekpini sekýndyna 15-20 metrge deıin jetýi múmkin. Osyǵan baılanysty kórermenderdiń qaýipsizdigin qamtamasyz etý jáne tehnıkalyq quraldardy saqtaý maqsatynda drondardyń ushýy ýaqytsha toqtatyldy.

Aıta keterligi, qalǵan merekelik is-sharalar josparǵa sáıkes ótedi. Bıyl elordadaǵy jańa jyldyq baǵdarlama «Ertegi Fest» atty biryńǵaı ertegilik stılde uıymdastyrylyp otyr.

Qalanyń alty aýdanynda bir mezette 40-tan astam jańa jyldyq shyrshanyń shamy jaǵylady. Barlyq alańda muz aıdyndary, syrǵanaqtar, fotoaımaqtar, shaǵyn sáýlet nysandary jáne ózge de merekelik oryndar jumys isteıdi.

Negizgi alańdardaǵy kontserttik baǵdarlamalar saǵat 17:30-da bastalady. 

Aıta ketelik Astanada shyrsha shamyn jaǵatyn kezde «Astana Arena» mańynda qozǵalys shekteledi.