Astanada aýa raıyna baılanysty qansha reıs keshiktirilip jatyr

ASTANA. KAZINFORM – Aýa raıynyń nasharlaýyna baılanysty Astana halyqaralyq áýejaıynda áýe reısteri keshiktirilip jatyr, Bul týraly Áýejaıdyń baspasóz qyzmeti habarlady.

Qazirgi ýaqytta ushýǵa josparlanǵan 84 reıstiń 6-y, áýe kemeleriniń kesh kelýine baılanysty, keıinge qaldyryldy.

Ushyp kelýge josparlanǵan 86 reıstiń 8-i dál osy sebeppen keshiktirildi.

Keshigýlerdiń kóp bóligi ushýǵa qolaısyz aýa raıyna baılanysty.

— Áýejaı shtattyq rejımde jumys isteıdi. Ushý qaýipsizdigin qamtamasyz etý maqsatynda perron men ushý-qoný jolaǵyn tazalaý jumystary únemi júrgiziledi. Áýeaılaqtyń úzdiksiz jumysyn qamtamasyz etý úshin 23 dana mamandandyrylǵan tehnıka paıdalanylady, — delingen habarlamada.

Jolaýshylar reısterdiń kúıin jáne kestedegi yqtımal ózgeristerdi tómendegi joldar arqyly teksere alady:
Avıakompanııalardan
Áýejaıdyń resmı saıtynan: www.nn-airport.kz
Táýlik boıy jumys isteıtin áýejaıdyń baılanys ortalyǵy boıynsha: 8 (7172) 702-999.

Aıta ketelik 10 naýryzda Qazgıdromet eldiń birqatar óńirinde, sonyń ishinde Astana men Aqmola oblysynda da daýyldy eskertý jarııalaǵan edi.