Astanada aýa raıyna baılanysty qala mańy avtobýstary toqtatyldy
ASTANA. KAZINFORM — Elordada aýa raıyna baılanysty birqatar qala mańy baǵyttarynyń qozǵalysy toqtatylǵany belgili boldy. Bul týraly City Transportation Systems kompanııasy málim etti.
— 2026 jylǵy 13 qańtar saǵat 20:00–degi málimetke sáıkes, aýa raıynyń qolaısyzdyǵyna baılanysty Astana qalasynda № 305, 308, 309, 310, 312, 315, 316, 327, 328 jáne 329 qala mańy avtobýs baǵyttarynyń qozǵalysy ýaqytsha toqtatyldy. Qalǵan qala mańy baǵyttary qalypty rejımde qatynap jatyr, — delingen habarlamada.
Aıta keteıik, Qazaqstannyń birqatar óńirinde aýa raıy buzylyp, kólik qozǵalysy shektelip jatyr. Osy oraıda «QazAvtoJol» qazirgi ýaqytta jabylǵan joldar týraly aqparat usynǵan edi.
Sonymen qatar erteń Astanada 0-9 synyp oqýshylary qashyqtan oqıtyny aıtyldy.
