Astanada attraktsıondary bar taǵy bir saıabaq ashyldy

ASTANA. QazAqparat - Astanada Ailand otbasylyq demalys ortalyǵynyń janynda jańa attraktsıondar parki ashyldy, dep habarlaıdy QazAqparat elorda ákimdiginiń resmı saıtyna silteme jasap.

Іs-sharanyń qurmetine oraı arnaıy kontsert ótkizildi, dep habarlaıdy qalalyq ákimdiktiń resmı saıty.

Saıabaqta karýsel, neshe túrli mashınalar arqyly kóńil kóterýge bolady, sonymen qatar balalardyń sýmen oınaýyna da múmkindik qarastyrylǵan.

Attraktsıondardyń janynda demalýǵa jáne tamaqtanýǵa arnalǵan kóleńkeli oryndyqtary bar jasyl aımaq ornalasqan.
Saıabaq úsh jastan asqan balalarǵa arnalǵan. Saltanatty ashylý rásiminen keıin jumysyn birden bastady. Jaz mezgili aıaqtalǵanǵa deıin kún saıyn saǵat 10.00-den 22.00-ge deıin jumys isteıdi.

«Jańa oıyn-saýyq alańy búgin 25 jyldyǵy atap ótilip jatqan qalamyzdyń bir bóligi bolady. Elorda turǵyndary men qonaqtaryn quttyqtaımyn jáne saıabaqtyń ashylýyna oraı ótetin kontsertte ýaqytty kóńildi ótkizýdi tileımin!» – dedi Nura aýdany ákiminiń orynbasary Sársenǵalı Aqjolov.
Jıylǵan jurttyń aldynda mýzykalyq ansamblder, shyǵarmashylyq stýdııalar ınteraktıvti oıyndar ótkiziledi.
Kontsert keshki saǵat 21:00-de bı keshimen aıaqtalady.