Astanada átkenshek-shyrsha ornatyldy

ASTANA. QazAqparat - Atalǵan shyrsha Dostyq kóshesi boıyndaǵy ashyq alańda ornatyldy, dep xabarlaıdy QazAqparat tilshisi.

Átkenshek-shyrsha jańadan ashylatyn muz aıdynyna kireberisinde tur. Qurylysshylardyń aıtýynsha, shyrsha aınalyp turady. Al onyń astynda adamdar otyratyn arnaıy átkenshek bar. Jańa jyldyq oıynshyq úlgisinde jasalǵan eki kapsýlaǵa otyryp, shyrshamen birge aınalýǵa bolady.
  

Aıta keteıik, bıyl Astana aýmaǵynda ashyq aspan astyndaǵy úsh muz aıdyny ashylady degen aqparat bolǵan. Olar EKSPO aımaǵynda, Aqbulaq ózeninde jáne Astana ákimdiginiń aldynda ornalasqan. Dostyq kóshesindegi muz aıdyny - tórtinshi nysan.