Astanada «Atameken» - Qazaqstan kartasy» etno-memorıaldyq kesheni «Ulystyń uly kúni - Áz Naýryz» merekelik sharalaryn ótkizedi
ASTANA. 20 naýryz. QazAqparat - Naýryz merekesine baılanysty «Atameken» Qazaqstan kartasy» etno-memorıaldyq kesheni ultymyzdyń mádenıeti men salt-dástúrin nasıhattaý, túrki halyqtarynyń birligi men ulttar yntymaǵyn arttyrý, óskeleń urpaqty eljandylyqqa baýlyp, halyqqa merekelik kóńil kúı syılaý maqsatynda «Ulystyń uly kúni - Áz Naýryz» atty merekelik is-sharalar uıymdastyrǵaly otyr.
«Atameken» tórinde qazaq úıler qurylyp, ulttyq «Tusaýkeser», «Besikke salý» dástúrleri kórsetiledi. Kelgen qonaqtar «Naýryz kójeden» dámin tatyp, ystyq baýyrsaq jep, samaýyr shaıyn, qymyz ben shubat iship, túrli oıyndarǵa qatysa alady.
Halyqtyń nazaryna merekelik kontsert usynylady.
Merekeleý barysynda qala turǵyndary arasynda jarııalanǵan «Atadan qalǵan aqboz úı», «Eń dámdi naýryz kóje», «Eń dámdi-bal baýyrsaq», «Eń dámdi qymyz», «Eń dámdi samaýyr shaıy», «Eń úzdik naýryz tilek», «Eń úzdik Naýryz týraly án, terme, jyr», «Eń úzdik ulttyq bı jáne shyǵys bıi», «Qyz kórki - burym», «Ádemi kıim - ulttyq kıim», «Eń úzdik Naýryz týraly maqala», «Balalarǵa arnalǵan úzdik áńgime», «Balalarǵa arnalǵan sýret baıqaýy», «Úzdik qolóner» jáne taǵy basqa da baıqaýlardyń qorytyndysyn shyǵarýǵa qatysyp, óz baǵalaryn beretin bolady.
Merekelik sharalar 22 naýryz kúni saǵat 11:00-de bastalady.
