Astanada «Atamdy maqtan tutamyn!» aktsııasy ótedi

ASTANA. QazAqparat - Elorda kitaphanalarynda «Atamdy maqtan tutamyn!» atty Uly Otan soǵysyndaǵy Jeńistiń 70 jyldyǵyna arnalǵan aktsııa ótedi, dep habarlady astana.gov.kz.

Shara aıasynda kitap kórmeleri, estelik estafetalary, zııatkerlik oıyndar, tarıh sabaqtary uıymdastyrylady.

Sonymen qatar, «Halyqtyń umytylmas erligi», «Qazaqstandyqtar - Uly Otan soǵysynyń qaharmandary» sekildi ıllıýstratsııalyq kitap kórmeleri de ashyldy.

Qazirgi ýaqytta «Ardagerge taǵzym et, jas urpaq», «Soǵys - bala kúnimniń esteligi» syndy taqyryptar boıynsha arnaıy qujattar men materıaldardy jınastyrý naýqany júrip jatyr.

Qalalyq kitaphanalarda kitaptar men túrli ádebıetten bólek, oqýshylardyń, ardagerler urpaqtarynyń shyǵarmalary da oryn tapty.

№8 balalar kitaphanasynyń qyzmetkerleri oqyrmandar arasynda soǵys taqyrybyna arnalǵan úzdik shyǵarmalar saıysyn jarııalady. Saıys ústimizdegi jyldyń sáýir aıyna deıin ótkiziledi, al qorytyndysyn shyǵarýǵa Uly Otan soǵysynyń ardagerleri qatysady.

Jalpy, Astana qalasynda 23 jalpy qoljetimdi qalalyq kitaphana jumys isteıdi. Olardyń 16-sy buqaralyq, altaýy - balalar kitaphanasy jáne bireýi - kózi kórmeıtin, nashar kóretin zaǵıp jandarǵa arnalǵan kitaphanalar.