Astanada ataqty japon sheberi Itıký Kýbotanyń kımonolary kórmege qoıyldy
ASTANA.6 qyrkúıek. QazAqparat - Búgin Astanada Táýelsizdik saraıynda Itıký Kýbota kımonolarynyń biregeı kórmesi ashyldy. Atalmysh ekspozıtsııa Astana qalasy ákimdiginiń jáne QR-daǵy Japonııa Elshiliginiń uıymdastyrýymen ótýde. Uıymdastyrýshylardyń aıtýynsha, jıyntyqta kórsetilgen ár kımono óner týyndysy bolyp tabylady.
«Atalmysh kórme bizdiń elimizde alǵash ret ótip jatyr. 2010 jyly kollektsııa dúnıejúzine bólek-bólek taratylyp ketpeýi maqsatynda metsenat Fattah Shodıevpen satyp alynǵan. Eger birneshe kımonony biriktirse, ortaq óner dúnıesi týady. Jalpy kollektsııada 104 eksponat bar. 2013 jyly qyrkúıekte Astana men Almaty, 2014 jyly qańtarda kollektsııa Manejde (Máskeý), sondaı-aq atalmysh kórmeni ótkizýge BAÁ jáne Frantsııa elderiniń murajaılary da usynys tastap otyr. Kórme 19 qyrkúıekke deıin jalǵasyn tappaq.
Itıký Kýbota 1917 jyly Tokıo qalasynda dúnıege kelgen. Ol keskindeme men toqyma óneriniń uly sheberi boldy. 14 jasynda mektepti tastap ketip, qolmen áshekeıleý ónerimen aınalysatyn kımono sýretshisi Kobaıası Kıesıdiń shákirti bolǵan. Sondaı-aq, Kýbota matalardy bezendirýdiń basqa da ádis-tásilderin, japon stılindegi peızajdyq keskindemeni, portret salýdy úırendi. Soǵystan keıin Sibirde lagerde tutqynda boldy. Japonııaǵa oralǵan soń "tsýdzıgahana" boıaý tehnıkasyn meńgergen. Ol 1977 jyly 60 jasynda "Itıký tsýdzıgahana" ózindik boıaý tehnıkasyn shyǵarǵanyn málim etti. Sheberdiń eńbekteriniń kórmeleri Japonııa, Frantsııa, Belgııa, AQSh jáne basqa da memleketterde ótkizilip, joǵary baǵaǵa ıe boldy. Avtor 2003 jyly kóz jumdy.
