Astanada ataqty sýretshi Erbolat Tólepbaıdyń kórmesi ashylady
ASTANA. Mamyrdyń 14-i. QazAqparat - Mamyrdyń 18-i kúni elordadaǵy QR Prezıdenttik mádenıet ortalyǵynda QR eńbek sińirgen óner qaıratkeri, Memlekettik syılyqtyń laýreaty, Reseı kórkemsýret akademııasynyń akademıgi,
«Platınaly Tarlan» syılyǵynyń laýreaty, Salvador Dalı atyndaǵy Halyqaralyq sýretshiler odaǵynyń jáne Brıýsseldegi «Eýro ıÝnıon» syılyqtarynyń ıegeri, Frantsııanyń «Óner» ordeniniń kavaleri, ataqty sýretshi Erbolat Tólepbaıdyń kórmesi ashylady. Bul týraly atalǵan ortalyqtyq baspasóz qyzmetinen habarlady.
Qylqalam sheberi 1974 jyldan bastap respýblıkalyq, halyqaralyq kórmelerge, sonymen qatar AQSh, Belgııa, Germanııa, Italııa, Qytaı, Úndistan, Frantsııa, Japonııa, sekildi álemniń 38 elinde jyljymaly kórme uıymdastyrǵan. Erbolat Tólepbaı týyndylary Ermıtajda jáne taǵy basqa álemniń dańqty murajaılarynda Salvador Dalı, Pıkasso, Sezann, Van Gog, Leonardo da Vınchı, Mıkelandjelo, Rafael sııaqty álemge áıgili sýretshilerdiń eńbekterimen qatar tur. Ol Orta Azııa men Qazaqstan qylqalam sheberleri úshin armanǵa aınalǵan Reseıdiń Tretıakov galereıasynda alǵash ret óziniń jeke kórmesin uıymdastyrǵan keskindemeshi.
«Sýretshi shyǵarmalary sońǵy 15 jyl boıy shet elderdiń tanymal galereıalarynda kórermen nazaryna usynyp keledi. Óz Otanynda kóp jyl boıy kórme ótkizbegen qylqalam sheberiniń alǵashqy kórmesi Halyqaralyq murajaı kúni qarsańynda QR Prezıdenttik mádenıet ortalyǵynda uıymdastyrylyp otyr», delingen baspasóz baıanynda.
Kórmege sýretshiniń «Kútý», «Bı», «Ana bóbekterimen», «Daladaǵy tal tús», «Dala balladasy» jáne t.b. 70-ten astam ulttyq dúnıetanymdaǵy týyndylary qoıylady.
Іs-sharaǵa QR Prezıdent ákimshiligi, QR Parlamenti depýtattary, QR Mádenıet mınıstrligi, Elshilikter ókilderi, Astana jáne Almaty qalasynyń sýretshileri, Astana qalasy murajaılarynyń, BAQ ókilderi, sondaı-aq qala turǵyndary men qonaqtary shaqyrylyp otyr.
Kórme maýsymnyń 20-syna deıin jalǵasady.
