Astanada ataqty shveıtsarııalyq tennısshi Martına Hıngıs balalarǵa sheberlik synyptaryn ótkizdi
ASTANA. 3 qazan. QazAqparat - Astanada ataqty shveıtsarııalyq tennısshi Martına Hıngıstiń sheberlik synyptary ótti.
QR Tennıs federatsııasynyń habarlaýynsha, atalmysh shara jas sportshylardy jastardy úlken tennıske beıimdeý jáne olardyń kásibı sheberlikterin shyńdaý maqsatynda uıymdastyryldy.
«Men balalarmen oıyn ótkizip, rahattandym. Qazaqstannyń kishkentaı balalary meni ózderiniń oıyndarymen tańqaldyrdy, olardyń bastapqy tehnıkalary óte tamasha», - dedi arnaıy baspasóz máslıhatynda sóz alǵan Martına Hıngıs.
«Qazaqstandyq tennıstiń áleýeti óte joǵary. Keleshekte sizderdiń sportshylardyń bıik jeńisine kýá bolamyz degen oıdamyn», dep atap ótti ol.
«Bul meniń sońǵy saparym emes dep úmittenemin. Men Astana men Almatyda sheberlik synyptaryn ótkizýge qýana-qýana kelistim. Jáne sizderdiń elderińiz men kútkennen áldeqaıda ózgerek bolyp shyqty», - dedi M.Hıngıs.
Martına Hıngıs - 1997, 1999, 2000 jyldary álemniń birinshi raketkasy atanǵan tanymal shveıtsarııalyq tennısshi. «Úlken dýlyǵanyń» bes dúrkin ıegeri. «Úlken dýlyǵa» týrnıriniń juptyq saıysyndaǵy jeńimpazy. 2005 jyly jaraqattan aıyqqan Hıngıs Avstralııa men Italııa ashyq birinshilikterinde dúrkin-dúrkin jeńisterge qol jetkizedi. 2006 jyly 500-inshi jeńisine qol jetkizdi. 2007 jyly qarashada óziniń mansabyn osymen támamdalǵanyn málim etti.
