Astanada Ata Zańymyzdyń qabyldanǵanyna 17 jyl tolýyna oraı merekelik kontsert ótip jatyr
QR Mádenıet jáne aqparat mınıstrligi baspasóz qyzmetiniń málimetinshe, kontserttik baǵdarlama Qazaqstannyń ótkeni men qazirgi naqtylyǵyn anyqtaıtyn tarıhı jolyn kórsete otyryp, jarqyn bolashaǵyna baǵyt jasaıdy.
Munda el mereıiniń asqaqtaýyn taný, el bedeliniń artýyn qoldaý ıdeıasy bar. Sonymen qatar el namysyn qorǵap júrgen elimizdiń tolaǵaılaryna degen rızashylyqty kórsetý bolyp tabylady.
Atap aıtqanda, kontserttiń ashylýy "Shattyq Otany" shyǵarmasynan bastaldy. Osydan keıin "Darhan dala", "Qyzyl bıdaı", "Sarbaz áni", "Qazaqstan" jáne basqa da ánder oryndaldy.
Saltanatty kontsertte Qazaqstannyń eńbek sińirgen ártisi Aıgúl Úlkenbaeva, óner qaıratkerleri Maıra Muhamedqyzy, Azamat Jyltyrkózov, Talǵat Musabaev, respýblıkalyq konkýrstardyń laýreaty Nurken Áshirov, Halyqaralyq konkýrstardyń laýreattary Bıbigúl Januzaq, Aıdos Jabaǵın, Meıir Baıneshov, Ásem Sembına, Erlan Jandarbaı, sondaı-aq qazaqstandyq estradanyń jas talanttary Marjan Arapbaeva, Rýslan Ahmetov, «Juldyzdar fabrıkasy» jáne «H-faktor» jobalarynyń qatysýshylary jáne Qurmanǵazy atyndaǵy qazaq memlekettik akademııalyq halyq aspaptar orkestri, K.Baıseıitova atyndaǵy Ulttyq opera jáne balet teatrynyń sımfonııalyq orkestri men hory, B. Baıqadamov atyndaǵy hor kapellasy óner kórsetýde.
Aıta keteıik, búgin Qazaqstanda Konstıtýtsııa kúni atalyp ótýde. 17 jyl buryn, 1995 jyly bul kúni respýblıkalyq referendýmda Qazaqstannyń jańa Konstıtýtsııasy qabyldandy, oǵan sáıkes QR prezıdenttik basqarý nysanyndaǵy memleket bolyp jarııalandy, al 30 tamyz memlekettik mereke - Qazaqstan Respýblıkasynyń Konstıtýtsııasy kúni bolyp jarııalandy.