Astanada at sportynan ENRC kýboginiń jarystary ótti

Básekede Qazaqstan, Qyrǵyzstan, Reseı jáne Ózbekstannyń sportshylary baq synasty. Jarys sharty boıynsha qatysýshylar bıiktigi 130 sm joǵary 12 kedergini qatesiz ótýleri kerek.

Sportshylardyń ónerin halyqaralyq at sportynda bedeldi ádilqazylar Marek Zaleskı (Polsha), Anna Skabard (Ýkraına), Keo Chang ıAng (Koreıa), Sarpartap Sınh (Úndistan) baǵalady.

Bul básekede Qazaqstan komandasy jeńiske jetti. Komanda quramyna kiretin Petr Solovev pen Lýzııa degen at qoıylǵan sáıgúlik, Áset Tolkýmbekov pen Aronııa, Oleg Popelıaev pen Its Mı, jáne Aleksandr Tıshkov pen Kvatro esimdi sáıgúlik 45 aıyp upaımen basymdyq tanytty. Al ekinshi oryndy - Reseı (48), úshinshi oryndy Ózbekstan (50) enshiledi.

- Bul jarystardy ótkizý halyqaralyq sport qaýymdastyǵy bizdi óńirdegi at sportynyń ortalyǵy dep tanıtyndyǵynyń aıǵaǵy ispettes. Biz álemge osyny tanytqymyz keledi. Soǵan oraı at sportynyń sektsııalaryn respýblıkanyń túrli óńirlerinde ashyp jatyrmyz, - dep atap ótti QR At sporty federatsııasynyń prezıdenti Aleksandr Mashkevıch.

«Qazanat» ıppodromy ENRC-diń demeýshiligimen salynǵan. Korporatsııa Almatydaǵy (Býtakovka) «Altyn Taı» balalar jáne jasóspirimder mektebine de kómektesedi.

- Eýrazııalyq tabıǵı resýrstar korporatsııasy Qazaqstanda salaýatty ómir salty men sporttyń damýyna erekshe kóńil bóledi. Bul korporatsııanyń áleýmettik saıasatynyń eń basym baǵyttarynyń biri bolyp tabylady. Astana kúni qarsańynda biz osynaý erekshe jarysqa demeýshi bolǵanymyzǵa óte qýanyshtymyz, - dedi ENRC PLC Bas atqarýshy dırektory Felıks Výlıs.

Eske sala ketsek, 2012 jyly ENRC-diń Qazaqstandaǵy áleýmettik ınvestıtsııalary 16 mlrd teńgeni qurady.