Astanada asylyp ólgen qatardaǵy jaýyngerdiń jeke zattarynyń arasynda ólim aldyndaǵy hat tabylmady - QR ІІM
ASTANA. 8 sáýir. QazAqparat - QR ІІM Tergeý komıtetiniń áskerı-tergeý basqarmasy 5570 áskerı bóliminde jedel qyzmettegi áskerı qyzmetshi E.Qajykenovtiń óz-ózine qol jumsaý faktisi boıynsha túsinikteme berdi.
Osy jyldyń 4 sáýir kúni saǵat 09.40-ta Astana qalasy Orynbor jáne T.Hýseın kósheleriniń qıylysyndaǵy orman alqabynda asýly kúıinde 5570 áskerı bóliminde boryshyn ótep júrgen áskerı qyzmetshi E.Qajykenovtiń máıiti tabyldy.
Oqıǵa ornyna tez arada QR ІІM Ortalyq aımaqtyq áskerı-tergeý basqarmasynyń shuǵyl tergeý toby kelip jetti.
Oqıǵa ornyn tekserý, máıitti, dene zaqymdaryn qaraý júrgizildi, moınyndaǵy strangýlıatsııalyq izden basqa eshteńe tabylmady.
Sot-medıtsınalyq saraptama taǵaıyndaldy, qatardaǵy jaýynger qyzmetin ótep júrgen rota jeke quramynda suraý júrgizildi. Qaıtys bolǵannyń jeke zattary tekserilip, óler aldy haty tabylmady. Qazirgi ýaqytta tekserý jalǵasýda.
