Astanada asyq alańy salynyp jatyr

ASTANA. QazAqparat - Elordada jańadan salynyp jatqan gúlzardyń birinde asyq oınaýǵa arnalǵan alań bolady. Úsh sheńberden turatyn ulttyq oıyn alańy bir mezgilde 10-nan asa adamdy syıdyra alady, dep habarlaıdy Elorda Info.

Jańa gúlzar Pýshkın kóshesi,  15 b meken-jaıy boıynsha ornalasqan. Buǵan deıin ol jerde eki qabatty apatty jaǵdaıdaǵy kóppáterli turǵyn úı bolǵan-dy. 1961 jyly salynǵan úıde 18 otbasy turyp keldi.  2015 jyly atalǵan úı kúrelip, onyń ornyna gúlzar salý týraly sheshim qabyldandy. 

Gúlzar aýmaǵynda balalar alańdary men sport alańy bolady. Dene shynyqtyrýǵa arnalǵan arnaıy sporttyq jabdyqtar ornatylady. Joba boıynsha gúlzar qurylysy 30 maýsymǵa deıin aıaqtalýy tıis. Merdiger kompanııa ókili  Medııahat Temirbaevtyń aıtýynsha, búgingi kúni jumystyń 90 paıyzy aıaqtaldy.

«Buıyrsa, merziminen buryn tapsyramyz dep josparlap otyrmyz. Qazirgi kúni aǵashtar otyrǵyzylyp, gazon sebilip jatyr. Bul gúlzardyń ereksheligi onda ulttyq oıyn asyq oıynyn oınaýǵa arnalǵan alań bolady. Alań úsh deńgeıli sheńberden turady. Biz óz tarapymyzdan bir ózgeris jasaıyq dep, asyq alańynyń janyna oıý saldyq», - dedi  ol. 

Gúlzar aýmaǵyna on oryndyq ornatylady. Búgingi kúni balalarǵa arnalǵan oıyn quraldary ákeline bastaldy. 

«Balalar quraldary men oryndyq jáne basqa da qondyrǵylardyń barlyǵy Almaty qalasynda jasalyndy. Júz paıyz otandyq ónim. Buǵan qosa, gúlzar aýmaǵyndaǵy jaryq shamdarynyń barlyǵy qalalyq jaryq jelilerine qosylǵan. Kún saıyn belgili ýaqytta gúlbaq aýmaǵyndaǵy shamdar qosylyp, sóndiriletin bolady», - dedi merdiger kompanııa ókili.  

 Aıta keteıik, Astana ákimdigi qalada kúrelgen apatty úılerdiń ornyna qala turǵyndary men qonaqtarynyń serýendep jáne sportpen shuǵyldanýyna jaǵdaı jasaý maqsatynda jańa gúlzarlar men býlvarlar salyp jatyr. Atap aıtqanda, bıyl Astananyń 120 gektardaı jeri qalalyqtarǵa saıabaq pen gúlzar retinde qaıtarylady.