Astanada Astrabus-tyń ornyna jańa qosymsha iske qosylady
NUR-SULTAN. QazAqparat - City Transportation Systems (CTS) kompanııasy elorda qoǵamdyq kólikteriniń júrisin qadaǵalaıtyn óz qosymshasyn ázirlep jatyr. Qosymsha osy jyldyń ishinde iske qosylmaq, dep habarlaıdy QazAqparat tilshisi.
Kompanııa baspasóz qyzmetiniń túsindirýinshe, burynǵy Astrabus qosymshasy basqa ázerleýshige tıesili. Búginde ol jumysyn toqtatqan. Al onyń jumys istemeı turǵandyǵyna oraı CTS kompanııasy ózine eshqandaı jaýapkershilik almaıdy.
«Sonymen qatar kompanııa avtobýstardyń qozǵalysyn qadaǵalaıtyn óziniń qosymshasyn ázirlep jatyr. Bıyl barlyq iske qosý jáne retke keltirý jumystary aıaqtalǵannan keıin paıdalanýǵa berý josparlanǵan», - dedi kompanııadan.
Buǵan deıin Astrabus qosymshasy arqyly astanalyq avtobýstardyń qozǵalysy baqylanbaıtyndyǵy habarlanǵan edi.
«Astrabus qosymshasyna endi qoldaý kórsetilmeıdi jáne ol jańartylmaıdy. Bul qosymsha bizdiń kompanııaǵa emes, úshinshi tarap ázirleýshilerine tıesili ekenin atap ótemiz. Balama retinde Sizderge elordalyq avtobýstardyń baǵyttaryn qadaǵalaýǵa kómektesetin tıisti qosymshalardyń tizimin arnaıy tańdadyq: 2gis, Yandex. Kartalar. Olardyń kómegimen siz avtobýstardyń qozǵalysyn qadaǵalap, olardyń qozǵalys úlgisin qaraı alasyz, saparyńyz úshin jaqsy joldy taba alasyz» - dep habarlaǵan edi CTS.
