Astanada «AstanaLeisure 2013» halyqaralyq týrıstik kórmesi ashyldy

«ITECA» kompanııasynyń satylym boıynsha dırektory Borıs Danılenkonyń aıtýynsha, «AstanaLeisure» kórmesine qatysýshylar jyldan jylǵa artýda jáne bıyl 40 paıyzǵa kóbeıip otyr.

Bul shara respýblıkanyń barlyq óńirindegi, taıaý jáne alys shet elderdegi týrıstik ındýstrııa kompanııalarynyń basyn qosatyn iri kásibı týrıstik oqıǵa ekendigin nazarǵa alǵan B.Danılenko, bıylǵy kórmege 16 elden 100-den astam kompanııa kelgenin aıtty.

«Astanadaǵy týrıstik kórmege Italııa, Ispanııa jáne Meksıka syndy memleketter alǵash ret qatysýda. Kórme Qazaqstannyń týrızm ındýstrııasyn jańa deńgeıge kóteredi dep senemin», - dep atap ótti ol.

Atalmysh sharada sońǵy týrıstik ónimder, áýe kompanııalarynyń arnaıy usynystary jáne týrıstik naryqtaǵy memlekettik qurylymdardyń qyzmetteri tanystyrylady. Sondaı-aq ulttyq stendter qoıylǵan. Kórme aıasynda qazaqstandyq týrıstik uıymdar ózderiniń sheteldik áriptesterimen iskerlik kelisimder jasaýǵa qol jetkizetin bolady.

Kórmede Qazaqstannyń Indýstrııa jáne jańa tehnologııalar mınıstrligi Týrızm ındýstrııasy komıtetiniń stendi ortalyq stendi bolyp usynylǵan. Onda oblystyq jáne Astana men Almaty qalalary basqarmalarynyń ekspozıtsııalary óńirlerdegi ulttyq týrıstik áleýetti kórsetýge baǵyttalǵan. Árbir aımaqtyń shıpajaılary men demalys oryndary, jalpy týrıstik ındýstrııalary jóninde keń maǵlumat jınaqtalǵan.