Astanada «Astana Minerals & Metallurgy - AMM 2010» mıneraldyq resýrstar men metallýrgııa jónindegi 1-shi qazaqstandyq halyqaralyq kongresi ótedi

ASTANA. Maýsymnyń 9-y. QazAqparat /Aıdar Ospanalıev/ - Erteń, maýsymnyń 10-y kúni Astanadaǵy «Dıplomat» meımanhanasynda «Astana Minerals & Metallurgy - AMM 2010» mıneraldyq resýrstar men metallýrgııa jónindegi 1-shi qazaqstandyq halyqaralyq kongresine arnalǵan baspasóz málıhaty ótedi,

dep habarlaıdy QazAqparat.

Atalmysh sharaǵa Indýstrııa jáne jańa tehnologııalar vıtse-mınıstri Nurmuhambet Ábdibekov, Astana qalasy ákiminiń orynbasary Erlan Qojaǵapanov, «Ehro kz» kompanııasynyń Bas dırektory Dılıara Ibragımova, «Human Capital Lead» kompanııasynyń Bas dırektory Merýert Ibragımova qatysady dep kútilýde.

«Astana Minerals & Metallurgy - AMM 2010» mıneraldyq resýrstar men metallýrgııa jónindegi 1-shi qazaqstandyq halyqaralyq kongresi maýsymnyń 30-y men shildeniń 1-i aralyǵynda Astanada ótedi. Jobany uıymdastyrýshylar Qazaqstan Úkimeti men elorda ákimdigi, sondaı-aq Indýstrııa jáne jańa tehnologııalar mınıstrligi.

Kongrestiń maqsaty - mıneraldyq resýrstar men metallýrgııa salasyna ınvestıtsııa tartýǵa yqpal etý jáne ekonomıkany shıkizat óndirisinen ǵylymǵa negizdelgen ónerkásipke burý. Sonymen qatar Astana qalasyn bıznes-qurylymdar men memlekettik organdardyń baılanys alańy retindegi áleýetin arttyrý. Qazaqstandyq ónim óndirýshilerdi memleket tarapynan qoldaý.

Kongres qala kúnin atap ótýge qatysty merekelik sharalardyń qatarynda.