Astanada «Astana-Mereı» baıqaýynyń jeńimpazdary marapattaldy

dep habarlaıdy QazAqparat tilshisi.

Jeltoqsannyń 7-si men 11-i aralyǵynda ótken atalmysh baıqaýdy QR Bilim jáne ǵylym mınıstrligi, «Daryn» respýblıkalyq ǵylymı-tájirıbelik ortalyǵy men Qazaq ulttyq mýzyka akademııasy uıymdastyrdy. Onyń maqsaty - mýzyka óneri salasyndaǵy daryndy jáne qabiletti oqýshylardy anyqtaýǵa jaǵdaı jasaý, olardyń bolashaqta damýyna yqpal etý jáne kásiptik baǵdar berý, sondaı-aq Qazaqstandaǵy ulttyq mádenıettiń belsendiligin arttyrý men damytý, otandyq jáne álemdik mádenıettiń úzdik úlgilerin nasıhattaý. Bul baıqaý «baıan-akkordeon», «aǵash úrlemeli aspaptar» jáne «ysqyly- ishekti halyq aspaptary» degen birneshe atalym boıynsha ótti.

Uıymdastyrýshylardyń aıtýynsha, baıqaýǵa Qazaqstannan, Ózbekstannan, Reseıden barlyǵy 286 mýzykant qatysty. Atalymdar boıynsha jeńimpazdar 1-shi, 2-shi jáne 3-shi deńgeıli dıplomdarmen marapattalyp, baǵaly syılyqtar berildi.