Astanada «Astana International Auto Salon - 2013» (AIAS-2013) birinshi Halyqaralyq avtókólik kórmesi ótedi
ASTANA. 9 qazan. QazAqparat - 2013 jyldyń 10-12 qazanynda Astanadaǵy «Kórme» kórmelik kesheninde «Astana International Auto Salon - 2013» (AIAS-2013) birinshi Halyqaralyq avtókólik kórmesi ótedi. Bul shara Qazaqstan Respýblıkasynyń Indýstrııa jáne jańa tehnologııalar mınıstrliginiń, «KAZNEXINVEST» eksport jáne ınvestıtsııalar ulttyq agenttigi» AQ jáne «NADLoC» jergilikti quramdy damytý jónindegi ulttyq agenttik» AQ resmı qoldaýymen uıymdastyrylýda.
Kórmeni uıymdastyrýshy - «Expo Group» halyqaralyq kórme kompanııasy.
«AIAS-2013» kórmesin ótkizýdiń basty maqsaty - bul avtokólik jasap shyǵarýdaǵy jetistikterdi kórsetý, áriptestikti damytý baǵytynda halyqaralyq deńgeıde jaıly jaǵdaı jasaý jáne qazaqstandyq naryqtyń strategııalyq mańyzdy máselelerin sheshý úshin sheteldik jáne otandyq avtokólik óndirýshilerine Eýrazııa aımaǵynyń ortalyǵynda aıryqsha tuǵyrnama usyný bolyp tabylady.
Kórmege Germanııa, Japonııa, Chehııa, AQSh, Reseı, Koreıa men Qazaqstannyń kompanııalary qatysady. Ózekti trendter men álemdik avtoóndirýshilerdiń jańa ónimderi usynylady.
Sonymen qatar, «AIAS-2013» kórmesinde Qazaqstanda alǵash ret - i-MiEV (MITSUBISHI Innovative Electric Vehicle) ekologııalyq taza jáne shýsyz ınnovatsııalyq elektrmobıldiń resmı túrde tusaýkeseri bolady.
Bul joba qazaqstandyq ekonomıkanyń ártaraptandyrylýy, jańa joǵary tehnologııalardy izdeý jáne «jasyl ekonomıkaǵa» kóshý kezeńinde, sonyń ishinde «EXPO-2017» «Bolashaq energııasy» búkilálemdik kórmesiniń ótkizilýi qarsańynda sapaly alǵa basý bolyp tabylady.
«AIAS-2013» kórmesiniń saltanatty-resmı ashylýy: «KÓRME» ortalyǵynda, qazannyń 10-shy juldyzy, saǵat 11:00 bastalady. Bul týraly kórmeniń uıymdastyrý keńsesinen habarlady.
