Astanada «Astana Arena» mańynda qozǵalys ýaqytsha shekteledi

«Astana Arena» stadıony alańynda 7 mamyr – Otan qorǵaýshylar kúnine oraı Open Air formatynda merekelik kontsert ótedi.

Qonaqtardyń yńǵaıy men qaýipsizdigin qamtamasyz etý maqsatynda is-shara kezinde stadıon mańynda – «Alaý» muz saraıy jáne «Saryarqa» velotregi tusynan kólik qozǵalysy shekteledi.

Kólik qozǵalysy tańǵy saǵat 9:00-den is-shara aıaqtalǵanǵa deıin shekteledi. Júrgizýshiler júrý baǵytyn aldyn ala josparlap, yqtımal keptelisterdi eskerýi qajet.

Eske salsaq Astanada kezekti aýyl sharýashylyǵy jármeńkesi ótedi.