Astanada «Assambleıa - beıbitshilik pen izgilik sımvoly» merekelik baǵdarlamasy ótedi

ASTANA. QazAqparat - Astana qalasy Qazaqstan halqy Assambleıasynyń hatshylyǵy men qala ákimdigi janyndaǵy «Qoǵamdyq kelisim» kommýnaldyq memlekettik mekemesi 28 naýryzda polıtehnıkalyq kolledjde «Assambleıa - beıbitshilik pen izgilik sımvoly» merekelik baǵdarlamasyn ótkizedi.

Bul shara Qazaqstan halqy Assambleıasynyń jylyna arnalyp otyr, dep habarlady «Qoǵamdyq kelisim" KMM baspasóz qyzmeti.

Sharanyń maqsaty basty qundylyqtar - Táýelsizdikti, bostandyqty, birlikti, Qazaqstan halqynyń beıbitshiligi men kelisimin dáripteý, Qazaqstanda turatyn ulystardyń shyǵarmashylyq kórkemónerpazdyǵyn, dástúrleri men salttaryn damytý bolmaq.

Shara aıasynda elordanyń etnomádenı birlestikteriniń shyǵarmashyl ujymdary merekelik kontsertin usynady.

Bul sharaǵa oqý ornynyń oqytýshylary men oqýshylary, astanalyq etnomádenı birlestikter ókilderi qatysady.