Astanada «Assambleıa-2017 arýy» anyqtaldy
ASTANA. QazAqparat - Astanada Qazaqstan halqy Assambleıasynyń bastamasymen birinshi qalalyq «Assambleıa - 2017 arýy» sulýlyq baıqaýy ótti. Oǵan etnomádenı birlestikterdiń ókilderi qatysty, dep habarlaıdy Astana ákimdiginiń baspasóz qyzmeti.
Sharanyń maqsaty - qoǵamdyq kelisim men ulttyq birliktiń qazaqstandyq úlgisin tanytý, óskeleń urpaqtyń boıyna zamanaýı ádep pen adamgershilik qasıetterdi darytý, ártúrli etnostardyń baı mádenıetimen, dástúrimen tanystyryp, jas urpaqtyń shyǵarmashylyq darynyn damytý.
Sulýlyq baıqaýyna etnomádenı birlestikterdiń 7 ókili qatysty.
«Assambleıa - 2017 arýy» baıqaýynyń qatysýshylary aldymen ózderin tanystyrdy. Sondaı-aq ózderiniń arman-tilekteri týraly aıtyp ótip, boılaryndaǵy shyǵarmashylyq múmkindikterimen tanystyrdy.
Baıqaý barysynda qazaqstandyq estarada juldyzdary men elordanyń shyǵarmashylyq ujymdary óner kórsetti. Qatysýshylardyń mindeti ulttyq mádenıet pen shyǵarmashylyq múmkindikterin kórsetý edi.
«Assambleıa - 2017 arýy» baıqaýynyń qorytyndysy boıynsha, Astana qalasynyń káris etnomádenı birlestiginiń ókili Anastasııa Jmaeva - Kım jeńimpaz atandy. «Assambleıa - 2017 vıtse-arýy» ataǵyn «Radıma» Belarýs ortalyǵynyń ókili Irına Bondar jeńip aldy. «Kórermender kózaıymy» «Obereg» ýkraın qoǵamdastyǵynyń ókili Ekaterına Zaharchýk boldy.
Baıqaýdyń júlde qory - 150 myń teńge. «Assambleıa - 2017 arýy» - 100 myń, «Assambleıa - 2017 vıtse-arýy» jáne «Kórermender kózaıymy» - 50 myń teńge.
foto: astana.gov.kz
