Astanada áskerı ushaqtar ushyp, birneshe kóshede kólik qozǵalysy shekteledi
ASTANA. KAZINFORM — Astanada halyqaralyq is-sharalarǵa baılanysty 10-14 qazan aralyǵynda kólik qozǵalysyna ýaqytsha shekteýler engiziledi. Bul týraly Memlekettik kúzet qyzmeti málimdedi.
— Astanada birqatar halyqaralyq saıası is-sharany daıyndaý jáne ótkizý aıasynda 10-14 qazan aralyǵynda qala kósheleriniń jekelegen ýchaskelerinde kólik quraldarynyń qozǵalysyna ýaqytsha shekteýler qoıylady, — delingen Memlekettik kúzet qyzmetiniń habarlamasynda.
Bul is-sharalar barysynda arnaıy memlekettik organdardyń, quqyq qorǵaý organdarynyń jáne Qazaqstan Respýblıkasy Qarýly kúshteriniń resýrstary paıdalanylatyny aıtyldy.
Sonymen qatar 9 qazannan bastap Astana aspanynda áskerı ushaqtar jattyǵý maqsatynda ushady.
— Halyqaralyq deńgeıdegi mańyzdy is-shara kezinde qaýipsizdikti qamtamasyz etý maqsatynda ótkiziletin sharalarǵa Astana turǵyndary men qonaqtarynan túsinistikpen qaraýdy suraımyz, — dep habarlady Memlekettik kúzet qyzmeti.
Eske salaıyq, buǵan deıin Astanada 7 qazannan bastap eki kóshede qozǵalys shekteletinin jazǵanbyz.
