Astanada áskerı sharalarǵa baılanysty úsh kóshe jabylady

ASTANA. KAZINFORM — Qorǵanys mınıstrligi Astanada áskerı sharalarǵa baılanysty úsh kóshe jabylatynyn habarlady.

Derekke qaraǵanda, 10-30 sáýir aralyǵynda dúısenbi, sársenbi jáne juma kúnderi túske deıin Astana qalasynyń «Indýstrııalyq qalashyq» aýmaǵynda áskerı tehnıkanyń qatysýymen jattyǵý ótkiziledi.

- Bul is-sharalar Uly Otan soǵysyndaǵy Jeńistiń 80 jyldyǵyna arnalǵan áskerı sherýdiń daıyndyǵyna baǵyttalǵan. Osyǵan baılanysty Aqjol, Qarashyǵanaq, Buırat kóshelerinde kólikterdiń qozǵalysyna ýaqytsha shekteý engizilmek, - delingen aqparatta.

Vedomstvo jol qozǵalysyn uıymdastyrýdaǵy ózgeristerdi eskere otyryp, baǵdarlardy aldyn ala josparlaýdy usynady. Sonymen birge jol qaýipsizdigi erejelerin saqtaýdy jáne quqyq qorǵaý organdary qyzmetkerleriniń nusqaýlaryn oryndaýdy suraıdy.

- Jattyǵý aıaqtalǵan soń qozǵalys qalpyna keltiriledi.

Ýaqytsha qolaısyzdyqtar úshin keshirim suraımyz jáne túsinistik tanytqandaryńyz úshin alǵys aıtamyz, - dep jazdy mınıstrlikten.

Aıta keteıik, bortynda ekıpajy bar «Jeńis» zymyran tasyǵyshy ǵaryshqa attandy.