Astanada «Áskerı-patrıottyq ánder teatry» baıqaýy bastaldy - BIDEO
Baıqaýdyń negizgi maqsaty elimizdiń ár óńirlerindegi mektep oqýshylarynyń arasyndaǵy talantty jastardy anyqtap, olardy marapattaý. Shyǵarmashylyq jumystaryn jurtshylyqqa jarııalap úlgi etip kórsetý. Jasóspirimderdi patrıottyq tárbıemen sýsyndatyp, olardy egemen elimizdiń erteńgi tutqasy bolýǵa daıyndaý negizgi maqsat bolyp tabylady.
«Búgin osy baıqaýda jas balǵyn oqýshylar kóp bolǵany qýantady. Nelikten deısiz ǵoı? Sebebi kóptegen tarıhshylar, ásirese, batys mamandary, sondaı-aq zalym saıasatkerler men jekelegen tulǵalar tarıhty burmalamaq nıette. Germanııaǵa shabýyl jasaǵan KSRO-nyń ózi dep te jatyr. Bul tipti olaı emes. Jastar bilýi shart, jeńisti bizdiń atalarymyz alyp keldi. Ol týraly qazir keıbireýleri umytýda. Al sizder bilip, máńgi este saqtaýǵa tıissińder», - deıdi qalalyq Ardagerler keńesi tóraǵasynyń orynbasary Esbolat Dúısenov.
Baıqaý 2 kezeńnen - irikteý jáne negizgi týralardan turady.
Birinshi týrǵa mektep, lıtseı, kolledjderdegi balalar jáne jasóspirimderdiń barlyq shyǵarmashylyq ujymdary qatysady. Onda jas ónerpazdar áskerı jyldardaǵy ánderdi sahnalaıdy. Olardyń ónerlerin, vokaldyq sheberlikterin, shyǵarmanyń janryna sáıkes ártistik qabiletterin, sondaı-aq kıimderin arnaıy qazylar alqasy saralaıdy.
Іrikteýden baǵalaýdyń barlyq sanattarynan ótken 7 sahnalyq qoıylym ǵana 15 sáýirde ótetin negizgi týrǵa jiberiledi.
Negizgi baıqaýdyń qorytyndysynda eń úzdik nómirler gala-kontsertke qatysa alady.
