Astanada áskerı qyzmetshiler shańǵy jarysyn uıymdastyrdy (FOTO)
ASTANA. QazAqparat - Esil ózeniniń jaǵalaýynda ornalasqan shańǵy bazasynda Otan qorǵaýshylary shańǵydan sporttyq-buqaralyq jarys uıymdastyrdy.
«Bizdiń maqsatymyz - áskerı qyzmetshilerdi sportpen aınalysýǵa jumyldyrý. Búgingi aktsııa áskerı-patrıottyq kóńil-kúıdi qoldaýǵa jáne salaýatty ómir saltyn júrgizýge arnalyp otyr. Osy sharaǵa jeke quram júz paıyz jınaldy», - deıdi Áýe qorǵanysy kúshteri bas qolbasshysynyń jaýyngerlik daıarlyq jónindegi orynbasary polkovnık Igor Svırıdov.
Sharaǵa qatysýshylar bes shaqyrymdyq qashyqtyqta baqtaryn synady. Jarys qorytyndysynda jaqsy nátıje kórsetken jekelegen áskerı qyzmetshilerge gramotalar men baǵaly syılyqtar tapsyryldy, dep habarlaıdy QR Qorǵanys mınıstrliginen.
