Astanada áskerı yntymaqtastyq jónindegi Qazaqstan men Pákistan komıssııasynyń otyrysy ótti

Atalmysh is-shara aıasynda Qazaqstan Qorǵanys mınıstriniń orynbasary general-leıtenant Sultan Kamaletdınov Pákistan Qorǵanys mınıstrliginiń Halyqaralyq áskerı yntymaqtastyq jónindegi bas dırektory general-maıor Mýnır Ýd Dınmen kezdesti. Bul týraly Kazinform Qorǵanys mınıstrligine silteme jasap habarlaıdy. 

General-leıtenant Sultan Kamaletdınov Qazaqstan Pákistandy óńirdegi negizgi áriptesterdiń biri ekenin atap ótip, búgingi sessııa ózara qyzyǵýshylyq týdyratyn salalarda ekijaqty baılanystardy nyǵaıtady dep senim bildirdi. 

Komıssııa otyrysynda QR Qorǵanys mınıstrligi Halyqaralyq yntymaqtastyq departamenti bastyǵynyń orynbasary polkovnık Valerıı Vıshnıkın pákistandyq áriptesterine sapary men syndarly dıalogy úshin rızashylyǵyn jetkizdi. 

Kezdesý sońynda Qazaqstan men Pákistannyń qorǵanys vedomstvolary arasyndaǵy 2024 jylǵa arnalǵan áskerı yntymaqtastyq hattamasy men josparyna qol qoıyldy.