Astanada áskerı dárigerler qan tapsyrdy
ASTANA. KAZINFORM — Densaýlyq saqtaý mınıstrligi jarııalaǵan donorlyq aıy aıasynda áskerı medıtsına qyzmetkerleri donorlyq aktsııa uıymdastyrdy.
Oǵan Qorǵanys mınıstrliginiń Bas áskerı-medıtsınalyq basqarmasy men Bas áskerı klınıkalyq gospıtaliniń áskerı qyzmetshileri men qyzmetkerleri qatysty. Jalpy sany 50-den astam dáriger, meıirbıke, ákimshilik jáne tehnıkalyq personal qan tapsyrdy.
Bas áskerı-medıtsınalyq basqarma bastyǵynyń orynbasary medıtsına qyzmetiniń polkovnıgi Berik Іlııasovtyń aıtýynsha, erikti donorlyq mádenıetti damytýǵa baǵyttalǵan bul aktsııa Qarýly kúshterdiń áskerı bólimderi men mekemelerinde de jalǵasady.
Qan alý jumystaryn sanıtarlyq-epıdemıologııalyq talaptar men qaýipsizdik standarttaryn saqtaı otyryp, Transfýzıologııa ǵylymı-óndiristik ortalyǵynyń kóshpeli mamandar brıgadasy júrgizdi.
Áskerı medıtsınalyq mekemede donorlyq aktsııa ótkizý erekshe mańyzǵa ıe. Gospıtal qyzmetkerleri kún saıyn naýqastarǵa kómek kórsetedi. Olardyń donorlyq qozǵalysqa qatysýyn adam ómirin saqtap qalýǵa jáne ulttyq densaýlyq saqtaý júıesin nyǵaıtýǵa qosqan qosymsha úles dep aıtýǵa bolady.
— Áskerı qyzmettegi 20 jyl ishinde áıel áskerı qyzmetshilerge shuǵyl qan quıý qajet bolǵan jaǵdaılarmen birneshe ret betpe-bet keldim. Dáriger retinde nyq senimmen aıta alamyn, qan tapsyrý tek ómirdi saqtap qana qoımaıdy, aǵzaǵa da oń áser etedi. ıAǵnı, qan túzilýin yntalandyryp, qannyń formalyq elementteriniń jańarýyna yqpal etedi. Qandy jumys ornynda tapsyrý bizge qyzmetten qol úzbeı-aq ıgi iske úles qosýǵa múmkindik berdi, — dedi Bas áskerı klınıkalyq gospıtaldiń gınekologııa bóliminiń bastyǵy medıtsına qyzmetiniń polkovnıgi Aınur Nuǵymanova.
Áskerı dárigerler erikti túrde qan tapsyrý aktsııasyna qatysa otyryp, gýmanızm jáne qoǵamǵa qyzmet etý qaǵıdattaryna adaldyǵyn is júzinde taǵy bir dáleldedi.