Astanada áskerge shaqyrylǵan bozbalalardy saltanatty shyǵaryp salý rásimi ótti

"Búgin elordada jas jigitterdi ásker qataryna shaqyryp salý úshin jınaldyq. Bıyl ásker qataryna, Qorǵanys mınıstrligine 1500 adam shaqyryldy. Barlyǵynyń bilimderi joǵary, psıhologııalyq tekserýden ótken. Arasyndaǵy eń jaqsylary búgin sapta tur", - dedi QR Qarýly kúshteri Bas shtaby tárbıe jáne ıdeologııalyq jumystar departamentiniń basshysy Muhamedjan Talasov.
Saltanatty shara «Otan Ana» eskertkishine gúl sebetin qoıyp, 1 mınýttyq únsizdikpen bastaldy. Іs-sharaǵa áskerge deıingi jáne ásker jasyndaǵy 2000-nan astam bozbala qatysty. Jalpy, bıyl áskerge elimiz boıynsha 1500 azamat shaqyrylsa, onyń ishinde 380-i Astanadan.
Shuǵyl áskerı qyzmetin óteýge shaqyrylǵandardy shyǵaryp salý rásimi «Astana jastary men ásker - birtutas» atty áskerı - patrıottyq aktsııamen jalǵasyn tapty. Aktsııa barysynda áskerı tehnıka, atys qarý-jaraqtary, áskerı kıim úlgileriniń kórmesi ótti. Sonymen qatar, jas sarbazdar men alańǵa kelýshiler QR UQK «Arystan» arnaıy jasaǵy, QR ІІD «Arlan» arnaıy maqsattaǵy bólimshesi, QR QM «Qalqan» birinshi arnaıy maqsattaǵy desanttyq shabýyldaýshy batalony arnaıy oqý-jattyǵý ádisterin kórsetti.
Sondaı-aq, alańǵa kelýshiler áskerı botqadan dám tatty.