Astanada áskerge shaqyrýshylarǵa babalar dástúri boıynsha qylysh pen qalqan tabystaldy
Aktsııa Respýblıka kúni qarsańynda uıymdastylyp otyr. Oǵan áskerı qyzmetin aıaqtaǵan sarbazdar men áskerge attanǵaly turǵan jastar, sondaı-aq sala ardagerleri, kolledj stýdentteri men mektep oqýshylary qatysty. Sharada sóz alǵan QR Qorǵanys mınıstriniń orynbasary Sultan Qamaletdınov áskerge attanǵaly turǵan jastarǵa tilegin bildirdi.
«Búgingi jastar – jańa tarıhtyń qurdastary. Sizder erkin elde týyp óstińizder. Sizderde barlyq múmkindik bar. Elimizdiń tarıhy men onyń salt-dástúri – elimizdi qorǵaıtyn jastardyń baǵdary bolýy tıis. Otan qorǵaýshynyń barlyq qyzmetin anyqtaıtyn bir ǵana joǵary sanat bar – ol borysh. Odan joǵary eshteme joq. Qalǵany onymen baılanysyp jatyr», - dedi mınıstrdiń orynbasary.
Sonymen qatar shara barsynda babalar dástúrine saı, áskerı mindetin atqaryp kelgen sarbazdar áskerge attanǵaly turǵan jastarǵa amanat etip, qylysh pen qalqan tabystady.
«Sharanyń negizgi maqsaty – jastarǵa áskerı-patrıotızmdi dáripteý, kórsetý, tárbıeleý. Odan jastar ózderine qajetti kóptegen qundy málimetterdi alady. Bul aktsııanyń kúzgi áskerge shaqyrý kezeńimen tus kelip turǵany ońtaıly bolyp tur. Óıtkeni, qazirgi mektep oqýshylary, stýdentter men jastar – erteńgi sarbazdar. Osy shara aıasynda elimizdegi áskerı oqý oryndary jastarǵa oqýǵa túsý tártibi, onyń bolashaǵy týraly málimetterdi berip jatyr.
Aktsııa barysynda jańa áskerı salttyń, dástúrdiń túri – áskerı qyzmetin bitirip, elge oralyp jatqan sarbazdar áskerge búgin shaqyrylyp jatqan jastarǵa ózderiniń amanatyn aıtyp, tilegin bildirdi. ıAǵnı, babalar jolymen áskerge shaqyrylǵandarǵa qylysh pen qalqan tabystaldy», - dep toqtaldy QR Qorǵanys mınıstrliginiń resmı ókili Ǵanı Artyqov.
Aktsııa sońynda áskerı qyzmetin óteý kezinde batyldyǵymen kózge túsken sarbazdar men olardyń ata-analary marapattaldy.
