Astanada asyq atýdan ınklıýzıvti týrnır ótti
ASTANA. KAZINFORM — Astanada Naýryz merekesine oraı alǵashqy ınklıýzıvti asyq atý týrnıri ótti, ol qazaq mádenıetiniń dástúrin qazirgi sporttyq tásildermen nasıhattady, dep habarlaıdy elorda ákimdiginiń resmı saıty.
Іs-shara Hýseın ben Talal men Qabanbaı batyr kósheleriniń qıylysyndaǵy Inklıýzıvti sport ortalyǵynda ótti jáne kóptegen kórermenniń basyn qosty. Іs-sharany Qazaqstannyń bochcha federatsııasy «Sport Culture» qoǵamdyq birlestigimen birlesip uıymdastyrdy.
Saıystyń ereksheligi — arnaıy úlkenirek asyqtardy qoldaný formatynda, bul múmkindigi shekteýli adamdardyń da qatysýyna múmkindik berdi.
Týrnır bastalmas buryn balalar shyǵarmashylyq qabiletterin kórsetti, asyqtardy boıap, ózderiniń jeke oıyn talısmandaryn jasady.
Týrnır tek sporttyq is-shara bolyp qana qoımaı, naǵyz mádenı merekege aınaldy. Qonaqtarǵa mol dastarqan, halyq ansambliniń qoıylymy, sondaı-aq dástúrli oıyndar men ınteraktıvti alańdar uıymdastyryldy.
Qazaqstannyń kókpar federatsııasynyń vıtse-prezıdenti Álisher Islamnyń aıtýynsha, mundaı jobalar ulttyq biregeılikti saqtaýda mańyzdy ról atqarady.
— Ulttyq oıyndar — bizdiń etnıkalyq kodymyz, olar bizdi basqa elderden erekshelendiredi. Qazirgi álem kúnnen kúnge uqsas bolyp bara jatyr, al mundaı dástúrler bizge erekshelikti saqtaýǵa kómektesedi. Biz tek Qazaqstanda ulttyq sport túrlerin nasıhattaýmen shektelmeı, olardy shetelde de damytýǵa umtylamyz, — dedi Álisher Islam.
Týrnır ıdeıasy dástúrli asyq atý oıyny men paralımpıadalyq sport túri bochchanyń úılesýinen týyndady, bul ulttyq oıyndardyń múmkindikterine jańasha kózqaras qalyptastyrdy.
— Olardyń uqsastyǵyn kórip, oıyndy erekshe balalarǵa beıimdedik. Asyqtardyń ólshemin úlkeıttik, biraq formatty saqtadyq. Bul — ulttyq oıyndardy barlyǵyna qoljetimdi etýge jasalǵan qadam, — dep qosty ol.
Týrnırdi ótkizý tek merekelik is-sharalardyń bóligi ǵana emes, sonymen qatar ınklıýzıvti sportty damytýǵa mańyzdy úles boldy. Bolashaqta formatty keńeıtý, sondaı-aq ulttyq oıyndardy ártúrli qatysýshylar sanatyna beıimdeý josparlanyp otyr, bul olardy odan ári qoljetimdi jáne tanymal etedi.
Budan buryn topaı asyq jınaǵan aqtóbelik kollektsıoner Gınness rekordtar kitabyna engisi keletinin habarlaǵanbyz.